အောက်ပါအကြောင်းအရာများသည် အကိုတော် ဓမ္မဆိုက်များမှ ကူးယူဖော်ပြအပ်ပါသည်။
http://soethuhein.iblogger.org
ဆီမီးကိုရှာ
အခါခပ်သိမ်း ကိလေသာမီး တောက်လောင်နေသူများ
ဖြစ်လျက် အဘယ်ကြောင့် ပျော်မြူးရယ်ရွှင်ခြင်း ဖြစ်ဘိ
သနည်း ။ အဘယ့်ကြောင့် နှစ်လိုဝမ်းသာခြင်း ဖြစ်ဘိ
သနည်း ။
အ၀ိဇ္ဇာအမိုက်မှောင်ကြီးဖြင့် ပိတ်ဆီးနေသူများ ဖြစ်ပါလျက်
အဘယ်ကြောင့် ပညာတည်းဟူသော ဆီမီးကို မရှာဘဲ
နေကြကုန်သနည်း ။
(ရှင်တော်ဗုဒ္ဓ)
သူမြတ်တို့ထံ ၊ နာခံတရား
လျှောက်ထားမေးခြင်း ၊ မပြုပျင်းက
ညံ့ဖျင်းပညာ ၊ ထုံထိုင်းစွာ၏
ကြားနာဓမ္မ ၊ သုတဖွေစစ်
ကျိုးပြစ်အရေး ၊ လျှောက်မေးတက်စွာ
သူတကာမူ ၊ ပညာကြွယ်နက်
ဥာာဏ်ထက်မြက်၏ ။
(မာဃဒေ၀ လင်္ကာ)
သမ္ဗူဒ္ဓေဂါထာ
အဆူဆူသော ဘုရားရှင်အရေအတွက်ကို ဖော်ညွှန်းရာမှာ ယခုပွင့်ခဲ့ပြီးသော
ဂေါတမမြတ်စွာဘုရား အလောင်းတော်ကြီးဟာ စိတ်ဖြင့်ဆုတောင်းခဲ့သော
ခုနှစ်သင်္ချေသောကာလမှာ ပွင့်တော်မူကြကုန်သော သုံးသိန်းရှစ်သောင်း
ခုနှစ်ထောင်ဘုရားရှင် ကိုယ်တော်မြတ်ကြီးတို့အား၎င်း၊ နှုတ်ဖြင့်
ဖွင်ဟမြွက်ဆို ဆုတောင်း ခဲ့သည့် ကိုးသင်္ချေသော ကာလအတွင်း
ပွင့်တော်မူခဲ့ကြကုန်သော တစ်သိန်းနှစ်သောင်း ငါးထောင် ကုန်သော
ဘုရားရှင်တို့အား၎င်း၊ ကိုယ်ရော နှုတ်ပါ ပါရမီဖြည့်ခဲ့သည့် လေးသင်္ချေနှင့်
ကမ္ဘာတစ်သိန်းကာလအတွင်း အလောင်းတော်ကြီးကိုယ်တိုင်
တွေ့ကြုံဖူးမြော်ခဲ့ရသည့် နှစ်ဆယ့်ခုနှစ်ဆူ ကုန်သော မြတ်စွာဘုရား အဆူဆူ
တို့ကို၎င်း၊ စုပေါင်းလိုက်လျှင် အသင်္ချေအားဖြင့် (၅၁၂၀၂၇) ဆူကုန်သော
အရေအတွက်ကို ရသည် ဖြစ်ရာ ဂေါတမမြတ်စွာဘုရားကိုပါ ဖြည့်စွက်
စုပေါင်းသဖြင့် (၅၁၂၀၂၈) ဆူဟူ၍ ဖြစ်လာရကြောင်း သိခဲ့ရပါတယ်။
သမ္ဗူဒ္ဓေဘုရားရှိခိုးကို ပုဂံခေတ် "တထာ ဂတုပ္ပတ္တိ" ဗုဒ္ဓ၀င်ကျမ်းပြု
"အရှင်ဉာဏဂမ္ဘီမထေရ်" မြတ်က ရေးသား ဖွဲ့သီတော် မူခဲ့တယ်လို့လဲ
သိခဲ့ရပါတယ်။
"သမ္ဗူဒ္ဓေ အဌ၀ိသဉ္စ… "အစချီသော ပထမဂါထာတော်မှာ ဘုရားအလောင်းတော်
ဘုရားဖြစ်ရန် ပါရမီဖြည့်စဉ် ပွင့်တော် မူသွားသော
ငါးသိန်းတစ်သောင်းနှစ်ထောင် နှစ်ကျိပ်ရှစ်ဆူသော ဘုရားရှင်တို့ကို
သင်္ချာပြကာ ရေတွက်၍ ရှိခိုးသော ဂါထာဖြစ်ပါသည်။
"အပကာ ၀ါလုကာ ဂင်္ဂါ ….." အစချီသော ဒုတိယဂါထာတော်မှာ ဘုရားအလောင်းတော်
ဘုရားဖြစ်ရန် စိတ်ဖြင့် ကြံစည်တောင့်တစဉ် ပွင့်တော်မူသွားသော
ဘုရားရှင်တို့ကို သင်္ချာ ရေတွက်ပြခြင်းမပြုဘဲ အားလုံးခြုံကာ
ရှိခိုပြီးလျှင် ထိုဘုရားရှင်တို့၏ တရား၊ သံဃာတို့ကိုပါ ရှိခိုးသောဂါထာဖြစ်သည်။
"နမက္ကာရနုဘာဝေန ဟိတွာ…….." အစချီသော တတိယဂါထာတော်မှာ ထိုဘုရား၊ တရား၊
သံဃာတို့အား ရှိခိုးသူတို့၏ အာသီသ (မျှော်လင့်တောင့်တချက်) ကိုပြသော
ဂါထာဖြစ်သည်။ တစ်နည်းအားဖြင့် ထိုဘုရားရှင်တို့နှင့် တရား၊ သံဃာတို့၏
တန်ခိုးအာနုဘော် ထက်မြက် ကြီးမားကြောင်းကို သွယ်ဝိုက်သော အားဖြင့်
ဖေါ်ပြသော ဂါထာဖြစ်သည်။
အားလုံးခြုံလိုက်ပါက ဘုရားရှင်အနန္တ၊ တရားတော်အနန္တ၊ သံဃာတော်အနန္တတို့၏
ဂုဏ်တော်တို့ကို ရည်ညွှန်းလေးမြတ်ကာ ရှိခိုးသော ဂါထာများပင်ဖြစ်ပါတယ်။
ဒါကြောင့်မို့ အနှစ်သာရ အလွန်ပြည့်ဝပြီး သဘာဝယုတ္တိလည်း ရှိလှပါတယ်။
ဒါ့အပြင် ဘုရားဟောပါဠိတော်များနှင့် ၎င်းတို့ရဲ့ အဖွင့် အဋ္ဌကထာတို့ကို
မှီငြမ်းကာ ဖြစ်ပေါ်လာသော ဂါထာများဖြစ်လို့ သာဓကယုတ္တိလည်း ရှိလှပါသည်။
ထို့ကြောင့် သမ္ဗူဒ္ဓေ ဂါထာတော်မြတ်ကိုကား ယုံကြည်စွာဖြင့် အလွန်ပင်
လေးစားထိုက်၊ မြတ်နိုးထိုက်၊ ရွတ်ဖတ်ထိုက်လှပေသည်။
သမ္ဗူဒ္ဓေဂါထာ ရွတ်ဖတ်ပူဇော်နည်း
၁။ ကွမ်းဝါးသော် ရ-ခေါက်
၂။ ခေါင်းလျှော်သော် ၁၀-ခေါက်
၃။ ထမင်းစားသော် ၃-ခေါက်
၎။ အုန်းဆီလိမ်းသော် ၅-ခေါက်
၅။ ရေကြောင်းခရီးသွားသော် ၈-ခေါက်
၆။ ပန်းပန်သော် ၉-ခေါက်
၇။ အိပ်ရာဝင်သော် ၉-ခေါက်
၈။ ရန်သူနဲ့တွေ့သော် ၁၁-ခေါက်
၉။ စစ်တိုက်သော် ၉-ခေါက်
၁၀။ သန္ဓေဖွားခက်သော် ၉-ခေါက်
၁၁။ ခရီးသွားသော် ၂-ခေါက်
၁၂။ အကျဉ်းကျသော် ၁၀၀၀-ခေါက်
နေ့တိုင်းရွတ်ဖတ်လျှင် ရရှိသောအကျိုး……. ဘေးရန်ကင်းစင်ခြင်း၊
လာဘ်ပေါများခြင်း၊ ဘုန်းတန်ခိုး အာဏာကြီးမားခြင်း၊ ကျော်စောခြင်း၊
တင့်တယ်ခြင်း၊ ချစ်သူခင်သူ ပေါများခြင်း တို့ဖြစ်ပါသည်။
"သမ္ဗုဒ္ဓေဂါထာ ငါးမျိုး"
၁။ အရှေ့ကျွန်းသမ္ဗုဒ္ဓေ
သမ္ဗုဒ္ဓေ အဌဝီသဉ္စ၊
သဗ္ဗတေဇံ သဗ္ဗဂုဏံ။
သဗ္ဗသုခံ လဘတုမေ၊
ဆရဝီ ဆရာ ဆရီဆ ဆာယံ။
ပစ္စဗုဒ္ဓါ မဟာတေဇံ၊
သဗ္ဗညုတာ ဥာဏဝရံ။
သဗ္ဗသတ္တရု သဗ္ဗဘယံ၊
ဝိနဿန္တု အသေသတော။ ။
၂။ မြောက်ကျွန်းသမ္ဗုဒ္ဓေ
သမ္ဗုဒ္ဓေ အဌဝီသဉ္စ၊
ပဉ္စသတ သဟသာနိ။
ဒွါဒသဉ္စ သဟသာကေ၊
ဂင်္ဂါယံ ဝါဠုကာ စုဏ္ဏေ။
ပရာဇေတွာ မဟာဖုလ္လေ၊
နမာမိ သိရသာမဟံ။
တေသံဓမ္မဉ္စ သံဃဉ္စ၊
အာဒရေန နမာမဟံ။
နမက္ကာရာ နုဘာဝေန၊
ဟိတွာသဗ္ဗေ ဥပဒ္ဒဝေ။
အနေက အန္တရာယာပိ၊
ဝိနဿန္တု အသေသတော။ ။
၃။ အနောက်ကျွန်း သမ္ဗုဒ္ဓေ
သမ္ဗုဒ္ဓေ အဌဝီသဉ္စ၊
ဒွါဝီသဉ္စ ဣမေဗုဒ္ဓါ။
ဧကတိံသ သဗ္ဗေဗုဒ္ဓါ၊
ဒွတ္တိံသစ မဟာဗုဒ္ဓါ။
ပဉ္စဝီသာ ဗုဒ္ဓါ နတ္တိ၊
တေတ္တိံသ ဗုဒ္ဓါဘာဝနာ။
ဧတေန ဗုဒ္ဓဂုဏေန၊
တေသံဓမ္မဉ္စ သံဃဉ္စ၊
အာဒရေန နာမမဟံ။
နမက္ကာရာ နုဘာဝေန၊
ဟိတွာသဗ္ဗေ ဥပဒ္ဒဝေ။
အနေက အန္တရာယာပိ၊
ဝိနဿန္တု အသေသတော။ ။
၎။ တောင်ကျွန်းသမ္ဗုဒ္ဓေ
သမ္ဗုဒ္ဓေ အဌဝီသဉ္စ၊
ဒွါဒသဉ္စ သဟသာကေ။
ပဉ္စသတ သဟသာနိ၊
နမာမိ သိရသာမဟံ။
အပ္ပကာ ဝါဠုကာ ဂင်္ဂါ၊
အနန္တာ နိဗ္ဗုတာ ဇိနာ။
တေသံဓမ္မဉ္စ သံဃဉ္စ၊
အာဒရေန နာမမဟံ။
နမက္ကာရာ နုဘာဝေန၊
ဟိတွာသဗ္ဗေ ဥပဒ္ဒဝေ။
အနေက အန္တရာယာပိ၊
ဝိနဿန္တု အသေသတော။ ။
၅။ အောင်သမ္ဗုဒ္ဓေ
သမ္ဗုဒ္ဓေ အဌဝီသတိ၊
မမဂစ္ဆဟိ ပုရတော။
ပဉ္စဗုဒ္ဓါ မဟာတေဇော၊
မမသီသေ နိသေသတိ။
ဒိဗ္ဗတီတင်္ခ ရက္ခ န္တု၊
မေ ဇယမင်္ဂလံ အဂ္ဂံ။
သဗ္ဗေပိ မေ နမဿာမိ၊
ဂုဏေ အာပတ္တိ ပုဂ္ဂလေ။
အရိယာနဉ္စ သဗ္ဗေသံ၊
သာဝကာနဉ္စ သဗ္ဗေသော။ ။
ဗုဒ္ဓ၏ အဆုံးအမနှင့်အညီ နေထိုင်ခြင်း
၁ ။ မည်သူ့အပေါ်တွင် မဆို အရင်းအဖျား မခွဲခြားဘဲ စိတ်ကောင်း နှလုံးကောင်း ထားပါ ။
၂ ။ ကောင်းသော Iဌာရုံနှင့် တွေ့သောအခါ လွန်စွာဝမ်းသာ အာားရ သောမနဿ လောဘမဖြစ်ပါနှင့် ။
၃။ မကောင်းသော အနိဌာရုံနှင့် တွေ့သောအခါ၌လည်း ၀မ်းနည်းပက်လက် မနှစ် သက်သောဒေါမနဿဒေါသမဖြစ်ပါနှင့် ။
၎ ။ မိမိပိုင် မဟုတ်သော ပစ္စည်းဥစ္စာများကို မတရား ပိုင်ဆိုင်လို့သည့် မတရားရယူလိုသည့်လောဘ မထွက်ပါနှင့်။ ရောင့်ရဲပါ ၊ တင်းတိမ်ပါ
၊ ဆင်းရဲသည်ကို ဂုဏ်ယူပါ ။ မတရားချမ်းသာတာကို ဂုဏ်မယူပါနှင့် ။
၅ ။ သတ္တ၀ါတို့ကို မညှင်းဆဲပါနှင့် ၊ မနှိပ်စက်ပါနှင့် ၊ကာယ အာားဖြင့် ၊ နှုတ်အားဖြင့် ၊စိတ်အားဖြင့်မညှင်းဆဲပါနှင့်။
၆ ။ သတ္တ၀ါအားလုံး မိမိနှင့် ထိတွေ့သိရှိသူ ၊ မိမိနှင့် ထိတွေ့သိရှိခြင်း မရှိသူ ၊ မိမိအား ချစ်ခင်လိုလားသူ ၊မိမိအား မုန်းတီးစက်ဆုပ်သူ ၊
မိမိအားချစ်လည်းမချစ် ၊ မုန်းလည်းမမုန်း အလယ်အလတ်သဘောရှိသူ အားလုံးအပေါ် သန့်ရှင်းကြည်လင်သော
မိမိနှင့်ထပ်တူဖြစ်သော မေတ္တာထားရှိပါ။
၇ ။ လိမ်ညာ မုသားစကားပြောခြင်းမှ ရှောင်ကြည်ပါ ။
၈ ။ မည့်သည့်စိတ်ဖြင့် ဖြစ်စေ ၊ ကောင်းစေလို၍ပဲ ဖြစ်ဖြစ် ၊ ဆိုးစေလို့၍ပဲဖြစ်ဖြစ် ၊ ဖရုသ၀ါစာတည်းဟူသောဆဲဆိုခြင်းမှ ရှောင်ကြဉ်ပါ ။
၉ ။ ချစ်သူနှစ်ယောက်ကွဲသွားအောင် ကုန်းတိုက်သော ၊ ရန်တိုက်ပေးသော ပိသုဏ၀ါစာစကားကိုရှောင်ကြU်ပါ။
၁၀။ ကလေးသူငယ်များနှင့် လူဖျင်းလူပေါ့တို့ နားထောင်၍ ကောင်းရုံသာ ဖြစ်သော( အနက်အဓိပ္ပာယ်မရှိ ၊အကျိုးမရှိသော)အပျက်အချော် ပျော်ရုံသာဖြစ်သော သမ္ဇပ္ပလာပစကားကို ရှောင်ကြဉ်ပါ ။ ဟိုစပ်စပ် ဒီစပ်စပ်ပါဝင်ကာ အာလာပ သလ္လာပ ဗရုတ်သုတ်ခမဟုတ်က ဟုတ်ကစကားများ မပြောပါနှင့် ။
၁၁။ ဆိုရေးရှိက ဆိုသည့်စကားကို နားခံသာအောင် ၊ သဘောပေါက်လွယ်အောင် သာယာပျောင်းညင်းစွာ ပြောဆိုပါ ၊ လူပုံအလယ်တွင်အရှက်ကွဲစေခြင်း ၊ ဒေါသတကြီး ပြုမူ ပြောဆိုခြင်းတို့မှရှောင်ကြဉ်ပါ ။
၁၂ ။ ငါးပါးသီလကို မြဲမြံစွာ ကျင့်ကြံအားထုတ်ပါ ။
၁၃ ။ သရဏဂုံသုံးပါးကို တည်ပြီးလျှင် ဗုဒ္ဓါနုဿတိ ဘာဝနာ ၊ မေတ္တာဘာဝနာကိုပွားပါ ။ဝိ ပဿနာလမ်းသို့တက်လှမ်း နိူင်ပါစေ ။
၁၄ ။ သူတော်ကောင်းတို့ကို ဆည်းကပ်ပါ ။
၁၅ ။ သူတော်ကောင်း တရားတို့ကို ကြားနာမှုများပါ ။
၁၆ ။ အစဉ် ကြည်လင်သော ကောင်းသော စိတ်ကိုမြှုပ်နှံထားပါ ။
၁၇ ။ လောကုတ္တရာတရားတော်တွင် စိတ်ကို မြှုပ်နှံထားပါ ။
၁၈ ။ ခန္တီစ သည်းခံခြင်းတရားကို မမေ့မလျော့လေနှင့် ။
* ရန်ကိုရန်ချင်း မတုံနှင်းနှင့် ။
* မေတ္တာဖြင့်သာ ရန်ကို အောင်နိူင်ရာ၏ ။
၁၉ ။ ကာယ ၊ ၀စီ ၊ မနောအားဖြင့် ပြုမှုလှုပ်ရှား ပြောဆိုမှု ၊ ကြံစည်တွေးတောမှု မှန်သမျှသည် သင့်မသင့်လျော်မလျော် ၊ အချိန်အခါဟုတ် မဟုတ် ၊ ပြောလျှင်ဘာဖြစ်မလဲ ၊မပြောလျှင်ဘာဖြစ်မလဲ ၊ ဆင်ခြင်ပြီးမှ ပြောသင့်၏ ၊ လုပ်သင့်၏ ၊ စဉ်းစားသင့်၏ ။အကျိုးအပြစ်ဝေဖန်ပြီးမှလုပ်သင့်၏ ။ စိတ်နောက်ကိုပါ ၊ အချွန်းမရှိ ၊ ပညာမရှိ မပြုမူသင့် ။
၂၀ ။ ဇကောဓမ္မော ဟူသည့်အတိုင်း မိမိစိတ်ကို စောင့်ထိန်းမှသာ တရားလည်းရ ၊ လူကောင်းသူကောင်းလည်းဖြစ် ၊ ယခုဘ၀တွင်ရော ၊သံသရာတွင်ပါ ချမ်းသာသုခ ရနိူင်သည် ။နိဗ္ဗာန်ရောက်ကြောင်း ၊ မဂ်တရား ၊ ဖိုလ်တရားကို ကျင့်ကြံ အားထုတ်နိူင်ပါစေ ။
၂၁ ။ စိတ်ကို မေတ္တာဖြင့် ထုံမွမ်းပါလေ ။
၂၂ ။မိမိစိတ်ကိုအစဉ်သတိဖြင့်ကပ်ထားပါလေမလွတ်လိုက်ပါနှင့်။စိတ်ဟူသည်ဖြန့်ကျက်တက်သောသဘောရှိ၏ ။
ချက်ချင်းထလုပ်ပါ
ကောင်းမှုကုသိုလ်အလုပ်ဆိုတာ
လုပ်ချင်စိတ်ထက်ထက်သန်သန်ရှိတုန်း
မြန်မြန်သွက်သွက်ထလုပ်လိုက်မှ
ထမြောက်အောင်မြင်တတ်ပါတယ်
အကြောင်းတစ်ခုခုပြပြီး
အချိန်ဆွဲနေမယ်ဆိုရင်
မလုပ်ဖြစ်တော့ဘဲ
လွဲချော်သွားတက်ပါတယ် ။
(ဆရာတော် အရှင်ဆန္ဒာဓိက)
စိတ်ညံရင်သိပ်လန့်တယ်
စိတ်ဆင်းရဲခြင်းဆိုတာက
စိတ်ဓါတ်ပျော့ညံတဲ့သူတွေ
ကန်ထရိုက်ဆွဲထားတဲ့
ခပ်ညံညံ ပစ္စည်းတစ်ခုပါ
စိတ်ချမ်းသာခြင်းကတော့
စိတ်ဓါတ်ခိုင်မာသူတွေရဲ့ 
မူပိုင်ရတနာထုပ်ကြီး
တစ်ခုဖြစ်ပါတယ် ။
(ဆရာတော် အရှင်ဆန္ဒဓိက)
ယာယီကိုတာရှည်မထင်ပါနဲ့
ဘယ်လောက်ကောင်းတဲ့ အရသာကိုခံစားရခံစားရ
တဒင်္ဂတစ်ခဏလေးပါ အိမ်မက်ထဲကအပျော်တွေဟာ
ဘယ်လောက်မှမကြာသလိုပါပဲ အိမ်မက်ရဲ့ နောက်ကွယ်မှာ
ဗလာတွေပဲပြည့်နေသလို သာယာမှုတွေရဲ့ နောက်ကွယ်မှာ
ဆင်းရဲပင်ပန်းမှုတွေပဲ ပြည့်နှက်နေပါတယ် ။
(ဆရာတော် အရှင်ဆန္ဒာဓိက)
အားထုတ်ဖြစ်ဖို့ကအဓိက
ရောဂါပျောက်ချင်လို့ တရားအားထုတ်တာလည်းကောင်းပါတယ်
စီးပွားရေး ၊ လူမှုရေးအဆင်ပြေချင်လို့ တရားအားထုတ်တာလည်းကောင်းပါတယ်
စိတ်ဓါတ်ခိုင်မာငြိမ်းချမ်းပြီး စိတ်နေသဘောထားကြီးကျယ် မြင့်မြတ်ချင်လို့
တရားအားထုတ်တာလည်း ကောင်းတာပါပဲ ဒါပေမယ့် အားလုံးထဲမှာ
ခန္ဓာဇာတ်သိမ်း ဒုက္ခငြိမ်းချင်လို့ တရားအားထုတ်တာကတော့ အကောင်းဆုံးပါပဲ ။
(ဆရာတော် အရှင်ဆန္ဒာဓိက)
ကြီးလေကဲလေ
နွားတစ်ကောင် အသက်ကြီးလေ
သူရဲ့ ဦးချိုရှည်လာလေ ၊
လူတစ်ယောက်အသက်ကြီးလေ
သူရဲ့ တဏှာကြီးလာလေ ၊
အသားတိုးသလောက်တရားမတိုးရင်
မရသေးတဲ့ကာမဂုဏ်ရချင်တဲ့တဏှာရယ်
ရပြီးသားကာမဂုဏ်ခံစားချင်တဲ့တဏှာရယ်
တဏှာတွေပဲ အတိုင်းထက်အလွန်
တိုးပွားလာပါတယ် ။
(ဆရာတော် အရှင်ဆန္ဒာဓိက)
*မဂ္ဂင်ရှစ်ပါး မြတ်တရား(၁)*
ကျွန်ုပ်တို့အားလုံး ခရီးတစ်ခုကို စတင်ခဲ့ကြပါပြီ။ ကျွန်ုပ်တို့၏ စိတ်အတွင်းသို့ သွားသော ခရီး ဖြစ်ပါသည်။ ဤခရီးသည် ကျွန်ုပ်တို့ဟာ ဘယ်သူတွေလဲ၊ ဘာကောင်တွေလဲ ဆိုသည်ကို စူးစမ်းရှာဖွေရေး ခရီးလည်းဖြစ်သည်။ တရားအားထုတ်စ ပထမအဆင့်သည် အခက်အခဲများ ရှိသည်။ စတင်အားထုတ်သော ပထမနေ့များတွင် စိတ်ယောက်ယက်ခတ် ဖြစ်နေတတ်သည်။ သို့မဟုတ်လျှင်လည်း အိပ်ချင်နေတတ်သည်။ တချို့က ငြီးငွေ့သည်၊ တချို့က ပျင်းရိသည်၊ တချို့က သို့လောသို့လော ဖြစ်သည်၊ တရားအားထုတ်မိတာ မှားပြီလားဟု စိတ်ပျက် နောင်တရခြင်းမျိုးလည်း ဖြစ်ကောင်းဖြစ်နိုင်သည်။ ပထမ စလှမ်းသော ခြေလှမ်းသည် လူတိုင်းအတွက် အခက်အခဲရှိတာ ဓမ္မတာ ဖြစ်ပါသည်။
ဒဿန ပညာရှိကြီး စပင်နိုစာ (Spinoza) က သူ၏ အရေးပါသော ကျမ်းတစ်စောင်၏ အဆုံးတွင် ဤသို့ ရေးသားခဲ့ဖူးလေသည်။
“မြင့်မြတ်သော အမှုကိစ္စ မှန်သမျှသည် ရှားရှားပါးပါး ဖြစ်သလို (ဖြစ်တောင့်ဖြစ်ခဲ ဖြစ်သလို) ဖြစ်ဖို့လည်းခက်ပါသည်။”
ကျွန်ုပ်တို့ ပြုလုပ်နေမိကြပြီဖြစ်သော စိတ်ဝိညာဉ်ဆိုင်ရာ စူးစမ်းလေ့လာမှု အလုပ်သည်လည်း လုပ်နိုင်ခဲသော ဒုလ္လဘ အလုပ်တစ်ခု ဖြစ်သည့်အပြင် တန်ဖိုးရှိလှသော အလုပ်တစ်ခုလည်း ဖြစ်ပါသည်။ ထို့ကြောင့် အစပိုင်းမှာ ကြုံတွေ့ရသော အခက်အခဲများကို သိမ်မွေ့သောစိတ်၊ ဇွဲသန်သောစိတ်ဖြင့် ကြံ့ကြံ့ခံ၍ ကျော်ဖြတ်ပါ။
ဤဘာဝနာ ခရီးစဉ်အတွက် လှပသော နမူနာ ဥပမာပေး ၀တ္ထုအကြောင်းလေး တစ်ခုကို မောင့်အနာလော့ဂ် (Mount Analogue) ကျမ်းတွင် တွေ့ရပါသည်။ ၀တ္ထုအကြောင်းမှာ တောင်တစ်တောင်ကို ရှာဖွေနေကြသော လူတစ်စုအကြောင်း ဖြစ်လေသည်။ ထိုတောင်၏ အောက်ခြေသည်ကား ဤကမ္ဘာမြေကြီးဖြစ်၍ ထိုတောင်၏ အမြင့်ဆုံးတောင်ထိပ်သည်ကား ကမ္မဋ္ဌာန်း ဘာဝနာ အားထုတ်မှုကြောင့် ရောက်နိုင်သော အမြင့်ဆုံး ဉာဏ်စဉ်အဆင့် ဖြစ်သည်ဟု တင်စားဖော်ပြထားသည်။ ခရီးအစ၌ ဘုရားဖူး ခရီးသွား ယောဂီများသည် အပိတ်အပင် အတားအဆီး အခက်အခဲများစွာကို ရင်ဆိုင်ကြရ၏။ သာမန်ပတ်ဝန်းကျင် အခြေအနေမှာပင် ထိုတောင်သည် မြင်၍ရနိုင်သော တောင်မဟုတ်။
တောင်ရှိရာဒေသကို သိဖို့ပင် အခက်အခဲများစွာကို ရင်ဆိုင် ကျော်ဖြတ်ကြရသည်။ လုံ့လများစွာ စိုက်ထုတ်ရှာဖွေပြီးသော အခါမှသာ ထိုဘုရားဖူး ယောဂီများသည် ထိုတောင်ရှိရာအရပ်ကို ရှာဖွေတွေ့ရှိကြပြီးလျှင် တောင်ခြေရင်းသို့ ချဉ်းကပ်ကြရသည်။ ထိုစာအုပ်၏ ကျန်သောအပိုင်းတွင် ထိုတောင်ကို တက်ဖို့ ကြိုတင်ပြင်ဆင်ကြပုံ၊ အခက်အခဲများ ကြုံရပုံ၊ ရုန်းကန် လှုပ်ရှားကြပုံ၊ တောင်ထိပ်သို့ စတက်သည့် ခရှီးအစမှာ စိတ်တုန်လှုပ်ချောက်ချား ရပုံများကို ရေးသားထားသည်။
ကျွန်ုပ်တို့သည်လည်း ထိုတောင်တက်ခရီးသွား ဘုရားဖူး ယောဂီများနည်းတူ မဂ်ဉာဏ် ဖိုလ်ဉာဏ် ပေါက်မြောက်မှု ဆိုသော တောင်တက်ခရီးကို သွားနေကြသူများ ဖြစ်ကြပါသည်။
ကျွန်ုပ်တို့သည် ထိုမမြင်ရသော မဂ်ဉာဏ် ဖိုလ်ဉာဏ် တောင်ကြီး၏ လျှို့ဝှက်ချက်များကို ရှာဖွေဖော်ထုတ်ပြီး ကြိုတင်သိထားကြသူများ ဖြစ်ကြ၏။ ထိုအချက်ကား အခြားမဟုတ်၊ ကျွန်ုပ်တို့ ကိုယ်တွင်းမှာပင် သစ္စာတရား ဓမ္မသည် ရှိ၏။ အခြားမှာ ရှာဖွေစရာ မလိုဆိုသော လျှိှု့ဝှက်ချက်ကို သိထားခြင်း ဖြစ်ပါသည်။
ထို့ကြောင့် ကျွန်ုပ်တို့သည် မိမိတို့တက်ရမည့်တောင်ကို အပမှာ အဝေးမှာ ရှာနေစရာ မလိုတော့ပါ။ မိမိတို့ ယခုမျက်မှောက် ရောက်ရှိနေသော နေရာ၊ ရောက်ရှိနေသော အခြေအနေမှာပင် အလုပ်စခန်းကို စတင်လုပ်ကြဖို့သာ ရှိပါတော့သည်။
ယခု ကျွန်တော်တို့ တက်ကြမည့် တောင်တက်ခရီးကား ဘ၀လွတ်မြောက်ရေး ၀ိမုတ္တိခရီး ဖြစ်၏။ ဤခရီးအတွက် ခရီးညွှန် မြေပုံကားချပ်များကို တောင်တက်ခရီးကို ရှေးကသွားခဲ့ကြပြီး တောင်ထိပ်သို့ ဆိုက်ရောက်ခဲ့ကြသူ များစွာတို့က ရေးဆွဲထားခဲ့ကြလေပြီ။ ထိုအရိယာဘုံသွား တောင်တက်ခရီး မြေပုံကားချပ်ကို အရှင်းဆုံး ဖော်ပြထားသည်ကို မြတ်ဗုဒ္ဓ၏ သာသနာ အဆုံးအမများ၌ တွေ့ရှိရသည်။ ထိုလမ်းညွှန်မြေပုံကို မဂ္ဂင်ရှစ်ပါး မြတ်တရားဟု ဖွင့်ပြထားပါသည်။ ဤအရိယာ မဂ္ဂင်ရှစ်ပါး မြတ်တရားက မဂ်ဉာဏ်၊ ဖိုလ်ဉာဏ် (ဗောဓိဉာဏ်) သို့ လမ်းညွှန်ပြသော မြေပုံကားချပ်ပင်တည်း။
ဤတောင်တက်လမ်း၏ ပထမခြေလှမ်းသည် သမ္မာဒိဋ္ဌိ မဂ္ဂင်ဖြစ်၏။ ဤအဆင့်သည် အမှန်မှာ ပထမအဆင့်လည်း ဖြစ်၍ နောက်ဆုံး အဆင့်လည်း ဖြစ်သည်။ သမ္မာဒိဋ္ဌိသည် မဂ်လမ်း၏ အစဖြစ်ခြင်း အကြောင်းမှာ ကျွန်ုပ်တို့သည် ခရီးကို စတင်နိုင်ခြင်းမှာ အမှန်ကို အထိုက်အလျောက် သိမြင်ထားသောကြောင့် ဖြစ်၏။ အဆုံး၌လည်း သမ္မာဒိဋ္ဌိ ဖြစ်ခြင်းအကြောင်းမှာ မဂ်လမ်း၏အဆုံး ဉာဏ်၏အထွတ်အထိပ်ကို ဆိုက်ရောက်သော အခါမှသာ ကျွန်ုပ်တို့သည် အမြင်မှန်ကို အပြည့်အစုံ ခြွင်းချက်မရှိ သိမြင်နိုင်သောကြောင့် ဖြစ်ပါသည်။ အစပိုင်းတွင် သမ္မာဒိဋ္ဌိသည် နေ့စဉ်ဘ၀နှင့် သက်ဆိုင်သော သဘာဝနိယာမ၊ ကမ္မနိယာမများကို သိမြင်နားလည်ခြင်းနှင့် ဆိုင်သည်။
သဘာဝနိယာမ တရားများကို သိမှုတွင် အရေးအကြီးဆုံးမှာ ကမ္မနိယာမ ကံကံ၏အကျိုးကို သိမြင်နားလည်မှုပင် ဖြစ်၏။ ကြောင်းကျိုးနိယာမကို သိမြင်နားလည်မှုဟုလည်း ဆိုအပ်ပါသည်။ ပြုလုပ်ဆောင်ရွက်မှု (ကံ)တိုင်းမှာ ကံ၏အကျိုးဆက် တစ်ခုသည် မုချရှိသည်။ ဖြစ်ပျက်နေသော အဖြစ်အပျက် များသည် အကြောင်းမဲ့ ကြုံကြိုက်သလို မတော်တဆ ဖြစ်ပျက်နေကြသည် မဟုတ်ချေ။ လောဘ၊ ဒေါသ၊ မောဟစသည့် ကိလေသာတို့၏ စေ့ဆော် တိုက်တွန်းမှုဖြင့် ကျွန်ုပ်တို့ ပြုမှုဆောင်ရွက်သော ကာယကံ၊ ၀စီကံ၊ မနောကံတို့သည် သောက၊ ပရိဒေ၀၊ ဒုက္ခ၊ ဒေါမနဿ အကျိုးတွေကိုသာ ပေးပါသည်။
ကျွန်ုပ်တို့ ပြုသော ကာယကံ၊ ၀စီကံ၊ မနောကံတို့သည် အလောဘမေတ္တာ သို့မဟုတ် ဉာဏ်ပညာ၏ စေ့ဆော် တိုက်တွန်းမှုကြောင့် ပြုသည့်ကံများ ဖြစ်ပါမူကား ရအပ်သော အကျိုးရလဒ်သည်ကာား ချမ်းသာသုခနှင့် ငြိမ်းချမ်းမှုပင် ဖြစ်ပါသည်။ အကယ်၍ ကျွန်ုပ်တို့သည် ဤကမ္မနိယာမကို သိသောအသိနှင့် မိမိတို့၏ ဘ၀ကို ပေါင်းစပ် ဖြည့်ဆည်းနိုင်ပါမူကား ကျွန်ုပ်တို့သည် ကုသိုလ်စိတ်များသာ ရှင်သန်ကြီးပွားနေအောင် စတင်၍ ဉာဏ်နှင့်ယှဉ်ကာ ဆောင်ရွက်နိုင်ကြ ပေလိမ့်မည်။
စွန့်ကြဲခြင်းဒါနသည် အလောဘ စေတနာဖြစ်၏။ ထိုအလောဘ စေတနာ၏ အရေးပါ အရာရောက်မှုကို ဗုဒ္ဓမြတ်စွာ လွန်စွာ ချီးမွမ်းတော် မူခဲ့လေသည်။ ပေးကမ်းစွန့်ကြဲခြင်းကို ကာယကံမြောက် ပြုလုပ်ခြင်းသည် စိတ်ထဲမှာဖြစ်သော အလောဘ စေတနာ အဆောက်အအုံကို ဖော်ထုတ်ခြင်းပင် ဖြစ်သည်။ စိတ်ပိုင်းဆိုင်ရာ ဖွံ့ဖြိုးတိုးတက်မှု မဂ်လမ်း တစ်လျှောက်လုံးတွင် စွန့်လွှတ်ခြင်း၊ မတပ်မက်ခြင်း၊ မငြိတွယ်ခြင်း၊ ပေးကမ်းစွန့်ကြဲခြင်း ကိစ္စများစွာ ပါဝင်ပါသည်။ ဤကား မတပ်မက်ခြင်း၊ သံယောဇဉ်ကင်းခြင်း သဘောကို ဖော်ဆောင်ခြင်းပင် ဖြစ်၏။
သမ္မာဒိဋ္ဌိ၏ အခြားသဘောတစ်ရပ်မှာ တာဝန်ဝတ္တရားကို အထူးသိမှု ထူးခြားသော ကံကိစ္စ ဖြစ်ပါသည်။ ၎င်းမှာ ကျေးဇူးရှင် မိဘများ၏ ကျေးဇူးကို တုံ့ပြန်ရန် တာဝန်ရှိသည်ကို အလေးအနက် ခံယူခြင်း ဖြစ်သည်။ မိဘများသည် ကျွန်ုပ်တို့ကိုယ်ကို ကျွန်ုပ်တို့ မစောင့်ရှောက်နိုင်မီ အချိန်က ပြုစုစောင့်ရှောက် ပေးခဲ့ကြလေသည်။ ကျွန်ုပ်တို့မှာ အားကိုးရာမဲ့ ဘ၀တုန်းက မိဘများ၏ ဂရုတစိုက် မွေးမြူစောင့်ရှောက်ခဲ့ခြင်း ကျေးဇူးကြောင့်သာ ယခုကျွန်ုပ်တို့သည် အသက်ရှင်နေကြရခြင်း ဖြစ်ပြီး မြတ်သော တရားဓမ္မကို ကျင့်ကြံ အားထုတ်နိုင်သော အခွင့်အရေးကို ရရှိခံစားကြရသည်။ မြတ်ဗုဒ္ဓက ဤမိဘတို့၏ ကျေးဇူးကို ကုန်အောင် ပြန်ဆပ်နိုင်သော နည်းလမ်းမရှိ။ တစ်သက်လုံး မိဘနှစ်ပါးကို ပခုံးပေါ်မှာထမ်း၍ လုပ်ကျွေးသည့် တိုင်အောင်လည်း ကျွန်ုပ်တို့၏ တာဝန်သည် အကုန်မကြေသေး။
မိဘများ၏ ကျေးဇူးကြွေးကို အကောင်းဆုံး ပြန်ဆပ်သောနည်းမှာ တစ်ခုတည်းသာ ရှိသည်။ ထိုနည်းမှာ မိဘများကို တရားအားထုတ်နိုင်အောင် ကူညီထောက်ပံ့သော နည်းတစ်နည်းသာ ရှိသည်ဟု ဟောတော်မူလေသည်။ အမှန်မှာ သမ္မာဒိဋ္ဌိ တည်ဖို့ပင် ဖြစ်၏။ အများအားဖြင့် ကျွန်ုပ်တို့ အနောက်တိုင်းသားများသည် အချိန်ကုန် လူပန်းခံကာ မိဘများ၏ အရိပ်အောက်က စိတ်ဓါတ်အားဖြင့် လွတ်မြောက်အောင် ကင်းကင်းကွာကွာ ကိုယ့်ခြေထောက်ပေါ်ကိုယ် ရပ်တည်နိုင်အောင် ကြိုးစားတတ်ကြသည်။
ဤအစဉ်အလာသည် သူ့တန်ဖိုးနှင့်သူ ရှိပါသည်။ သို့သော် ထိုလွတ်လပ်မှု ဘောင်ထဲတွင် မိဘကို ပစ်ထားသည့် သဘောမဖြစ်စေဘဲ မိဘများအပေါ်မှာ တာဝန်ရှိသည်၊ ပြုစုစောင့်ရှောက်ဖို့ တာဝန်ရှိသည်ဆိုသော အချက်ကိုလည်း အသိအမှတ် ပြုသင့်ပါသည်။
သမ္မာဒိဋ္ဌိ (အမြင်မှန်ခြင်း) ဆိုရာတွင် မိမိတို့၏ ပင်ကိုယ်သဘာဝ အမှန်ကို သိနားလည်သော၊ နက်နဲပြီး သိမ်မွေ့သော အသိပညာလည်း အကျုံးဝင်ပါသည်။ ၀ိပဿနာ ကမ္မဋ္ဌာန်းတရား အားထုတ်နေစဉ် အရာခပ်သိမ်းတို့သည် အမြဲမရှိ၊ အနိစ္စသာ ဖြစ်သည်ဆိုသော အမြင်သည် ပို၍ကြည်လင် ပြတ်သားလာပါသည်။
ရုပ်နာမ် ဓမ္မအားလုံးသည် ဖြစ်ပြီးခဏ၌ပင်လျှင် ပျောက်ကွယ် ပျက်စီးသွားကြရကုန်သည်။ ပေါ်လာလိုက် ပြီးတော့ ပျောက်ကွယ် သွားလိုက်နှင့် အဆက်မပျက် ဖြစ်ပျက်နေကြရသည်။ အသက်ရှုနေရာမှာလည်း ရှုလိုက်သော လေသည် ၀င်လာပြီးနောက် ထွက်သွားပြန်သည်။ အတွေးများလည်း ပေါ်လာလိုက်၊ ပြီးတော့ ပျောက်သွားလိုက်နှင့်ပင်။ အာရုံများလည်း ပေါ်လာလိုက်၊ ပြီးတော့ ပျောက်သွားလိုက်နှင့်ပင်။ သင်္ခါရတရား အားလုံးတို့သည် အမြဲစီးကျနေသည့် အလျင်ကြီး အစဉ်ကြီးသာ ဖြစ်သည်။ လုံခြုံရာ အမြဲတည်သော အရာဟူသည် အနိစ္စ ဖြစ်စဉ်ကြီးထဲမှာ ဘာဆိုဘာမျှ မရှိချေ။
ဝိပဿနာဉာဏ် ရင့်သန်လာသောအခါ အတ္တမရှိ၊ အနတ္တ သဘောသက်သက် မျှသာ ဖြစ်သည်ဆိုသည်ကို ပို၍နားလည်လာသဖြင့် ကျွန်ုပ်တို့၏ သဘာဝအမြင်၊ လောကအမြင်များ ပြောင်းလဲသွားပါတော့သည်။
အရာခပ်သိမ်းတို့၏ အမြဲမရှိ၊ ခဏတိုင်း၌ ဖောက်ပြန်ပြောင်းလဲနေခြင်း သဘာဝကို အသေးစိတ် ထိုးထွင်း ရှုမြင်လာသောအခါ စိတ်သည် ကပ်ငြိခြင်း၊ တွယ်တာခြင်း မပြုလိုတော့ပါ။ ထို့ပြင် ရုပ်နာမ်တို့၏ ဖြစ်စဉ်များကို ကိုယ်တွေ့ဉာဏ်တွေ့ တွေ့ကြုံ သိမြင်လာသည်နှင့်အမျှ ကျွန်ုပ်တို့မှာ အတ္တ၀န်ထုပ်၊ ငါကောင်အရုပ်ကြီးကို ပစ်ချပြီး ငါစွဲ သူစွဲစသော သက္ကာယ ဒိဋ္ဌိစွဲ၊ ဥပါဒါန်စွဲများလည်း ပျောက်ကင်းသွားပါတော့သည်။
ဆက်ရန်>>>
>>> ဆရာဦးဆန်းလွန်နှင့် ဆရာဦးဆန်းလွင်တို့ ဘာသာပြန်ဆိုသော ဂိုးလ်စတိန်း၏ ကိုယ်တွေ့ဝိပဿနာ စာအုပ်မှ ကူးယူဖော်ပြ မျှဝေအပ်ပါတယ် ခင်ဗျာ...။
>>> အားလုံးပဲ အမြင်မှန်နိုင်ကြပါစေ။
လေးစားစွာဖြင့်
ဖိုးသား
31/01/2009, SAT:, 16:11:56 PM
